Advertisement

نوازشریف سے جیل میں کونسی مشقت لی جارہی ہے ؟ آئی جی جیل خانہ جات میدان میں آ گئے ،واضح اعلان کر دیا

Advertisements

سابق وزیراعظم نوازشریف اس وقت کوٹ لکھپت جیل میں قید کاٹ رہے ہیں اور حال ہی میں میڈیا میں خبریں گردش کر رہی تھیں کہ نوازشریف سے جیل میں صفائی ستھرائی کی مشقت لی جارہی ہے تاہم اب اس پر آئی جی جیل خانہ جات میدان میں آ گئے ہیں اور اصلیت سب کو بتا دی ہے ۔تفصیلات کے مطابق آئی جی جیل خانہ جات شاہد سلیم بیگ نے کہاہے کہ نوازشریف کو اپنی بیرک یعنی کمرے تک محدود رکھا گیا ہے اور ان سے بیرک کے اندر ہی مشقت لی جارہی ہے ۔ ان کا کہناتھا کہ نوازشریف اپنی بیرک کی صفائی ستھرائی کے ذمہ دار ہوں گے ۔نوازشریف کو بیرک سے باہر آ نے کی اجازت نہیں ہے جبکہ ان کا کو جیل میں کوئی مشقتی بھی نہیں دیا گیا ہے ۔

یہاں یہ امر بھی قابل ذکر ہے کہ نوازشریف سے ان کے اہل خانہ کل ملاقات کریں گے ، جن میں حمزہ شہباز، مریم نوازاور نوازشریف کی والدہ بھی شامل ہیں ۔اد رہے کہ احتساب عدالت نے نوازشریف کو العزیزیہ ریفرنس میں سات سال قید اور اربوں روپے جرمانے کی سزا سنائی تھی جبکہ فلیگ شپ ریفرنس میں بری کر دیا گیا تھا ۔ اس سے قبل نوازشریف کو احتساب عدالت کی جانب سے ایون فیلڈ ریفرنس میں سزا سنائی گئی تھی جسے اسلام آباد ہائیکورٹ کی جانب سے معطل کر دیا گیا تھا ۔اسلام آباد ہائیکورٹ سے فیصلہ آنے پر نیب نے سپریم کورٹ سے رجوع کیا تھا ، سپریم کورٹ نے شریف فیملی کے تینوں ممبران کی ضمانتیں بحا ل رکھتے ہوئے فیصلہ معطل کر دیا تھا ۔

Advertisement

Source DailyPakistan.com.pk
x

We use cookies to give you the best online experience. By agreeing you accept the use of cookies in accordance with our cookie policy.

I accept I decline Privacy Center Privacy Settings