Advertisement

شیخ رشید نے عوام سے عمران خان کا ساتھ دینے کا مطالبہ 150 روپے کا ڈالر نواز، زرداری کی وجہ سے بڑھا

Advertisements

وفاقی وزیر ریلوے شیخ رشید نےقوم سے عمران خان کاساتھ دینے کا مطالبہ کردیا۔ انہوں نے کہا کہ انشااللہ عمران خان5 سال پورے کرے گا،150 کا ڈالر نواز، زرداری کی کی وجہ سے بڑھا،ورنہ کوئی حکومت آٹھ مہینوں میں مہنگائی نہیں کرتی۔ وفاقی وزیر ریلوے شیخ رشید نے آک کراچی میں میڈیا سے گفتگو کرتے ہوئے کہا کہ انشااللہ عمران خان5 سال پورے کرے گا۔

150 کا ڈالر نوازشریف، شہبازشریف اور آصف زرداری کی چوریوں کی مرہون منت ہے۔ کون سی حکومت ہے جو پہلے آٹھ مہینوں میں ہی چاہے گی کہ آ بیل مجھے مار، چینی، گھی، تیل، آٹا اور بجلی مہنگی کردے گی؟ یہ اپوزیشن جو جاتے ہوئے ہمیں جہیز میں چیزیں دے کرگئی ہے، عمران خان کو اس کی سزا مل رہی ہے۔

انہوں نے کہا کہ قوم کو چاہیے کہ عمران خان کے ساتھ کھڑی ہوجائے۔

شیخ رشید نے کہا کہ سندھ صرف ایک کام کررہا ہے ، سندھ کو ایڈستان بنا دیا ہے، لاڑکانہ ایڈز کا حب ہے، یہاں بچوں کا ہسپتال اور کوئی ڈاکٹر نہیں ہے۔ یہ وائرس ہے جو پھیلتا جا رہا ہے، سندھ کے حکمران ڈوب مریں ،بچوں کے ٹیسٹ سے ہر تیسرا بچہ ایڈز زدہ نکل رہا ہے۔ دنیا میں اتنی ایڈز نہیں ہے جتنی سندھ میں پھیل گئی ہے، اگر یہ ایڈز ملک میں پھیل گئی تو اس سے بڑی دہشتگردی کوئی نہیں ہوگی۔

وزیر ریلوے شیخ رشید نے کہا کہ سندھ حکومت کو سپورٹ کرنا چاہتے ہیں۔ سندھ حکومت سے ریل کی حد تک تعاون کرنے کوتیار ہوں۔ انہوں نے کہا کہ سپریم کورٹ نے جو ذمہ داری لگائی اس پر عمل ہوگا۔ دوسری جانب مسلم لیگ ن کے سینئر نائب صدر شاہد خاقان عباسی نے آج یہاں پریس کانفرنس کرتے ہوئے کہا کہ لگتا ہے چیئرمین نیب کیخلاف دباؤ میں وزیراعظم اوران کے لوگ ملوث ہیں، ہمارے پاس پارلیمنٹ ایک فورم ہے ، جہاں آواز اٹھائیں گے۔

انہوں نے مطالبہ کیا کہ قومی اسمبلی کے رولز244بی کے تحت ایک خصوصی کمیٹی تشکیل دی جائے، جو تحقیقات کرے کہ اس معاملے میں کیا ہوا ہے۔اس میں چیئرمین نیب، وزیراعظم ، حکومتی اہلکار ہو، اسپیکر ہو، کوئی بھی ملوث ہو، اس کے خلاف کاروائی کی جائے۔اس ایوان کا حق ہے کہ قومی اور سنگین مسئلے پر فوری کام شروع کرے۔انہوں نے کہا کہ ن لیگ کے پارلیمانی لیڈر خواجہ آصف سوموار کوتحریک پیش کریں گے کہ 244 رولز کے تحت اسپیشل کمیٹی بنائی جائے اور حقائق عوام کے سامنے پیش کرے۔شاہد خاقان عباسی نے کہا کہ اگر حکومت وزیراعظم ،وزراء کی کرپشن نہیں بچانا چاہتی تو پھر یہ تحریک پیش کریں گے۔

Advertisement

This website uses cookies to improve your experience. We'll assume you're ok with this, but you can opt-out if you wish. Accept Read More

x

We use cookies to give you the best online experience. By agreeing you accept the use of cookies in accordance with our cookie policy.

I accept I decline Privacy Center Privacy Settings