”ڈیل سٹین پی ایس ایل کھیلنے پاکستان نہیں آئیں گے کیونکہ۔۔۔“ ایسی خبر آ گئی کہ ہر پاکستانی افسردہ ہو جائے

15
Dale Steyn of South Africa during the 2016 International T20 Series training session for South Africa at Newlands Cricket Ground, Cape Town on 18 February 2016 ©Ryan Wilkisky/BackpagePix

 جنوبی افریقہ کرکٹ ٹیم کا دورہ پاکستان تاخیر کا شکار ہونے کے بعد اب معروف فاسٹ باؤلر ڈیل سٹین کی پاکستان سپر لیگ (پی ایس ایل) میں بھی عدم شرکت کا امکان ہے۔ تفصیلات کے مطابق فاسٹ باﺅلر ڈیل سٹین کی انگلینڈ کیخلاف ٹی 20 سیریز کیلئے نیشنل ٹیم میں منتخب ہوئے ہیں جو پی ایس ایل کے پانچویں ایڈیشن کے آغاز سے صرف 4 روز قبل ختم ہو گی جبکہ آسٹریلیا کیخلاف سیریز 21 فروری سے شروع ہو کر26 فروری تک جاری رہے گی جس کے بعد پروٹیز نے بھارت کا دورہ بھی کرنا ہے۔ ڈیل سٹین کو اگر آسٹریلیا کیخلاف سیریز کیلئے بھی ٹیم کا حصہ بنایا گیا

تو اسلام آباد یونائیٹڈ کی نمائندگی نہیں کر سکیں گے۔ اسلام آباد یونائیٹڈ کیلئے اچھی خبر یہ ہے کہ ڈیل سٹین ابھی جنوبی افریقہ کی ون ڈے کرکٹ ٹیم کا حصہ نہیں ہیں اور بھارت کیخلاف سیریز بھی ون ڈے میچز پر مشتمل ہے جس کا مطلب یہ ہے کہ آسٹریلیا کیخلاف سیریز کے بعد ان کی مصروفیات ختم ہو جائیں گی اور وہ 26 فروری سے اسلام آباد یونائیٹڈ کو جوائن کرنے کیلئے آزاد ہوں گے۔ ذرائع کا کہنا ہے کہ اسلام آباد یونائیٹڈ کی انتظامیہ اس حوالے سے معلومات کے حصول میں مصروف ہے کہ ڈیل سٹین کو بھارت کیخلاف ون ڈے سیریز کیلئے منتخب کیا جائے گا یا نہیں کیونکہ ان کی غیر موجودگی ناصرف اسلام آباد یونائیٹڈ بلکہ شائقین کرکٹ کیلئے بھی افسردگی کا باعث ہو گی۔