Advertisement

افغان صدر کی عمران خان کو افغانستان آنے کی دعوت!! وزیراعظم عمران خان نے دورہ افغانستان کی دعوت فوراََ قبول کرلی

Advertisements

وزیراعظم عمران خان کو افغان صدر اشرف غنی نے فون کیا، دونوں ممالک کی قیادت کے درمیان افغان مفاہمتی عمل اور باہمی دلچسپی کے امورپر بات چیت ہوئی۔ میڈیا رپورٹس کے مطابق وزیراعظم عمران خان کو افغانستان کے صدر اشرف غنی نے فون پر دورہ افغانستان کی دعوت دے دی ہے۔وزیراعظم نے دورہ افغانستان کی دعوت قبول کرلی ہے۔


بتایا گیا ہے کہ وزیراعظم عمران خان کوافغان صدراشرف غنی نے فون کیا۔اس دوران دونوں میں افغان مفاہمتی عمل اور باہمی دلچسپی کے امورپر بات چیت ہوئی۔ فون پروزیراعظم عمران خان اور افغان صدر کے درمیان دوطرفہ تعلقات کو وسعت دینے پر بھی تبادلہ خیال کیا گیا۔ واضح رہے وزیراعظم امیرقطرکی دعوت پر21 اور22 جنوری کودورہ کریں گے۔دورے میں دوطرفہ امورپرامیر قطر سے بات ہوگی۔

پاکستانیوں کے لئے ایک لاکھ ملازمتوں کے مواقع پر بھی بات ہوگی۔ وزیراعظم عمران خان امیر قطر سمیت اعلی قیادت کے ساتھ ملاقاتوں میں پاک قطر تعلقات اور خطے کی صورتحال پر تبادلہ خیال کریں گے۔ وزیر اعظم قطری قیادت کے ساتھ ایل این جی کی درآمد، ایل این جی قیمت پر نظرثانی اور افرادی قوت کی برآمدگی کے معاملے پر بھی گفتگو کریں گے۔ وزیراعظم عمران خان کو قطر کے امیر شیخ تمیم بن حمد الثانی نے دورہ قطر کی دعوت دی ہے۔


دوسری جانب دفترخارجہ کا کہنا ہے کہ سعودی ولی عہد کے دورہ پاکستان کی تاریخ طے کی جارہی ہیں۔ ترجمان دفتر خارجہ نے لیزا کرٹس کی پاکستان میں موجودگی کی تصدیق کرتے ہوئے کہا کہ لیزاکرٹس کا دورہ افغان مفاہمتی عمل کے حوالے سے ہے۔ بھارت کا افغانستان میں کوئی کردار نہیں ہے۔ بھارت کوسوچنا ہے کہ اسے کیا کرنا ہے۔ بھارت کی طرف سے خارجہ پالیسی واضح نہیں۔انہوں نے کہا کہ ہماری طرف سے بھارتی شہریوں کوویزے جاری کرنے پر بھی کوئی قدغن نہیں۔ جبکہ بھارت میں پاکستانی اہلکارکوحبس بے جا میں رکھا گیا۔ ایسے اقدامات ویانا معاہدے کی خلاف ورزی ہے۔ بھارت میں ہمارے ایک سفارتکار کوپکڑاگیا۔ ہمارے احتجاج پر چھوڑدیا گیا۔انہوں نے کہا کہ پاکستان اورافغانستان کے درمیان قیدیوں کے تبادلے کے بارے میں علم نہیں۔

Advertisement

This website uses cookies to improve your experience. We'll assume you're ok with this, but you can opt-out if you wish. Accept Read More

x

We use cookies to give you the best online experience. By agreeing you accept the use of cookies in accordance with our cookie policy.

I accept I decline Privacy Center Privacy Settings